جالالىدىن بەھرامنىڭ «لېيىغان بۇلاق» ناملىق كۆپ قىسىملىق بۇ رومانى 1960-يىللاردىن 1990-يىللارغىچە بولغان ئارىلىقتىكى دەۋرنى بىر قەدەر كەڭ تۈردە ئەكس ئەتتۈرگەن يىرىك ئەسەر بولۇپ، روماندا 1960-يىللار ياشلىرىنىڭ ۋە زىيالىيلىرىنىڭ ھەر خىل ئىجتىمائىي ھەرىكەتلەر «ئوڭ» ۋە «سول» ئىدىيىۋى خاتالىقلار تۈپەيلىدىن كۆپلىگەن ئەگرى توقايلىقلارنى باشتىن كەچۈرگەنلىكى تەسۋىرلىنىدۇ. ئەسەر قەھرىمانلىرى بولغان ھېكمەت ، كامىل ، مۇرات ۋە ئۇلارنىڭ سۆيگەن قىزلىرى گۈلزىبا ، نەفىسە، زۇمرەتلەرنىڭ ئېچىنىشلىق قىسمىتى كىتابخاننى چوڭقۇر ئويغا سالسا خالىق، كېرىموف، زەينىدىنلەردەك رەزىل ئادەملەرنىڭ ھوقۇق، ئىمتىيازلاردىن پايدىلىنىپ يۈرگۈزگەن سۇيقەست ھىيلە-مىكىرلىرى كىشىدە چەكسىز نەپرەت ئويغىتدۇ.
